Maduroya qarşı yeni ittihamlar irəli sürülüb

ABŞ rəsmiləri Venesuelanın keçmiş prezidenti Nikolas Maduro və onun həyat yoldaşı Siliya Floresi siyasi rəqiblərini susdurmaq və hakimiyyətdə qalmaq məqsədilə işgəncə, qanunsuz həbslər və zorakılıqdan istifadə etməkdə ittiham ediblər.Bu barədə “Associated Press” (AP) ABŞ məhkəməsinə təqdim edilmiş yenilənmiş ittiham aktına istinadən məlumat yayıb.

Sənədə əsasən, Maduro konkret şəxslərə qarşı işgəncələrin tətbiqinə icazə verib, qanunsuz həbslər və zorakılıq hallarından xəbərdar olub.

ABŞ hərbi qüvvələri yanvarın 3-də Venesuelanın paytaxtı Karakas və ətrafında hərbi obyektlərə zərbələr endirib. Əməliyyat zamanı Venesuelanın prezidenti Nikolas Maduro və həyat yoldaşı Siliya Flores saxlanılaraq ABŞ-a aparılıb.