Rusiyanın qərarı Avropanı hiddətləndirib

ANS PRESS-in məlumatına görə, nəzərdə tutulan tədbirləri Avropa Parlamentinin prezidenti Martin Şulz elan edib. 

O deyib ki, Rusiya hakimiyyəti qərarlarında şəffaflığı təmin edə, beynəlxalq hüquq və hüquqi öhdəliklərlə əsaslandıra bilməyib, hədəfə alınan fərdlərə müdafiə və apelyasiya hüququ verilməyib: "Nə qədər ki, qara siyahı qüvvədədir, Rusiya rəsmilərinin Avropa Parlamentinin binasına girişi məhdudlaşdırılacaq. Rusiyanın Aİ-dəki səfiri Vladimir Çazov və adı çəkilməyən başqa bir Rusiya diplomatı həmin siyahıdadır. Qurum həmçinin Aİ-Rusiya Parlament Əməkdaşlığı Komitəsi ilə işini dayandırıb.

Rusiyanın Avropa Parlamentinin bu addımına reaksiyası gecikməyib. Rusiya xarici işlər nazirinin müavini Sergey Ryabkov deyib ki, əslində, heç kəs assambleyaya baş çəkə bilmir. Çünki orda görülməli heç nə yoxdur, nə məhdudiyyətsiz, nə də məhdudiyyətlə.

Xatırladaq ki, Moskva Aİ-nin sanksiyalarına cavab olaraq qara siyahı hazırlayıb. AB sanksiyalarına bank hesablarının dondurulması və səyahət qadağaları daxildir.