64 yaşlı anasını taxta parçası ilə döyərək qətlə yetirdi

Gəncə şəhərində 41 yaşlı kişi anasını taxta parçası ilə döyərək öldürüb.
"Qafqazinfo” xəbər verir ki, şəhər sakini, 1980-ci il təvəllüdlü Ramin Rüstəmov iyulun 24-də sərxoş vəziyyətdə olarkən anası, 1957-ci il təvəllüdlü Svetlana Rüstəmovaya taxta parçası ilə çoxlu zərbə vuraraq döyüb.
Baş Prokurorluqdan sorğumuza cavab olaraq bildirilib ki, faktla bağlı Gəncə şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.
Ramin Rüstəmov şübhəli şəxs qismində tutularaq istintaqa cəlb edilib.
www.anews.az
























