Telman İsmayılovun təhvil verilməsi üçün materiallar Monteneqroya təqdim edildi

"Qafqazinfo” "RİA Novosti”yə istinadən xəbər verir ki, Rusiya Baş Prokurorluğu iş adamının cinayət məsuliyyətinə cəlb edilməsi üçün oktyabrın 15-də onun ekstradisiyasını istəyib.

Xatırladaq ki, Telman İsmayılov oktyabrın 1 -də Podqoritsada Rusiya tərəfinin verdiyi beynəlxalq order əsasında saxlanılıb. O, bunun ardınca oktyabrın 2-si 2 ay müddətinə azadlıqdan məhrum edilib.Telman İsmayılov bir neçə cinayət işində, o cümlədən iki sahibkarın qətlində ittiham olunur və 2017-ci ildə qiyabi həbs edilib. İsmayılovun vəkili Marina Rusakova isə bildirib ki, noyabrın 12-də Podqoritsa məhkəməsi azərbaycanlı biznesmenin ona Monteneqroda siyasi sığınacaq verilməsi ilə bağlı ərizəsinə baxacaq.

www.anews.az