Məktəblərdə pul yığımı məcburi yox, könüllü olmalıdır - Nazirdən AÇIQLAMA

Məktəblərdə pul yığımı olarsa, bu, məcburi yox, könüllü şəkildə olmalıdır, bunu təhsil naziri Emin Əmrullayev ölkə başçısının dünən təhsillə bağlı imzaladığı sərəncamlara dair brifinqdə bildirib.

"Məktəblərdə pul yığımlarının olması qeyri-qanunidir. Bu, cəmiyyətin xroniki problemidir. Mən oxuduğum müddətdə də belə problem var idi. Amma valideynlər məktəbin idarəetməsində yaxından iştirak etmirlər. Bu, bir modeldir. Dövlətin hamı üçün hər şey etmək imkanı yoxdur. İcbari təhsil pulsuzdur. Rüşvətin əleyhinəyəm. Valideynin əlindəki artıq bir manatı belə təhsilin inkişafı üçün xərcləməsinə imkan yaratmalıyıq. Əgər hansısa pul yığımı olarsa, bu, qaydalar çərçivəsində məcburi yox, könüllü şəkildə olmalıdır", - deyə nazir vurğuladı. 


Emin Əmrullayev bildirib ki, Valideyn-Müəllim Assosiasiyaları (VMA) Təhsil Nazirliyinin tabeliyində olan qurum deyil.

"Həmin qurum ictimai şəkildə fəaliyyət göstərir. Quruma üzv olmayan valideynin övladının dərsə gəlməsini deyən şəxslər qanunsuzluq edir", - deyə o əlvə edib.

www.anews.az