Meditasiya institutuna edilən müraciətlərin sayı AÇIQLANDI
22.12.2021 10:55
Azərbaycanda 2021-ci ildə Mediasiya Şurasına 9550 müraciət daxil olub, bunu Mediasiya Şurasinin idarə heyətinin sədri Nadir Adilov Azərbaycanda mövcud ailə münasibətləri: sosial-psixoloji təhlil ictimai rəy sorğusu və sosioloji tədqiqatın nəticələrinə dair konfransında çıxışı zamanı deyib.
Müraciətlərin 8515-i ailə-məişət, 740-ı kommersiya, 297-i əmək mübahisələri üzərində olub. Müraciət edənlərin 21 faizi sonradan müraciətini geri götürüb.
Mediasiya Şurası Avropa İttifaqının dəstəyi ilə işçi qrupun fəaliyyəti nəticəsində 12 fevral 2020-ci ildə yaradılıb. İşçi qrup bu məqsədlə Avropa İttifaqı tərəfindən cəlb edilmiş ekspert tərəfindən koordinasiya edilmiş və Azərbaycan Respublikası Prezidentinin Administrasiyası, Azərbaycan Respublikasının Ədliyyə Nazirliyi, Azərbaycan Respublikası Kiçik və Orta Biznesin İnkişafı Agentliyi (KOBİA), Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, Azərbaycan Respublikasının Vəkillər Kollegiyası, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının nümayəndələrindən təşkil olunub.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
