Kənd Təsərrüfatı Nazirliyi 308 vakant vəzifə üzrə işə qəbul elan edib

 

Bu barədə nazirlikdən bildirilib.

 

Vakant vəzifələr üzrə sənəd qəbulu ötən gündən başlayıb. Təqdim olunmuş vakant vəzifələr üzrə vəzifə təlimatları, müsahibə proqramları Dövlət İmtahan Mərkəzinin internet portalında yerləşdirilib.

 

Müsahibə mərhələsi üzrə qeydiyyat gələn ilin yanvarın 25-nə qədər davam edəcək.

 

Kənd Təsərrüfatı Nazirliyi hüquqşünas, maliyyə, informasiya texnologiyaları, aqrar sahədə ixtisas almış aqronom, bioloq, zooloq, baytar, torpaq üzrə mütəxəssis və zoomütəxəssisləri, maliyyə-təsərrüfat fəaliyyəti üzrə müvafiq ixtisası olan şəxsləri müsahibələrdə iştiraka dəvət edir.

 

Təqdim olunan vakant vəzifələr Kənd Təsərrüfatı Nazirliyinin Dövlət Aqrar İnkişaf Mərkəzlərində bitkiçilik və heyvandarlıq sektoru, maliyyə-təsərrüfat sektoru

və texniki nəzarətin təşkili sektoru üzrə müəyyənləşib.

 

Elanla tanış olmaq üçün aşağıdakı linkə daxil ola bilərsiniz:

 

https://exidmet.dim.gov.az/dqq/Elan/MsbMshElanList?ElanID=481

 

https://exidmet.dim.gov.az/dqq/Elan/MsbMshElanList?ElanID=482