İlin sonuna kimi orfoepiya lüğəti nəşr olunacaq - RƏSMİ

 

"Hazırda kitabın üzərində işlər gedir. Hərflər alimlər arasında bölüşdürülüb.Müstəqillik illərində Azərbaycanda orfoepiya lüğəti çap olunmayıb. Sonuncu çap 1980-ci illərə təsadüf edir. 2021-ci il 18 iyul normaları təsdiq olunduqdan sonra kitabın nəşr olunması üzrə proses davam etdirilir və bu ilin sonuna kimi nəşr olunması planlaşdırılır", deyə mətbuat katibi qeyd edib.

 

 

Jurnalist,publilist,filologiya elmləri doktoru,AZLEKS elektron lüğətlər toplusunun baş redaktoru Qulu Məhərrəmli hesab edir ki, bu lüğəti hazırlayarkən bu sahəni yaxşı bilən mütəxəssislərlə məsələhətləşmək lazımdır.

 "Azərbaycanda sonun orfoepiya lüğəti 50 il bundan qabaq hazırlanıb. Bu kitabın yenidən nəşr olunması çox yaxşı haldır. Sonuncu orfoepiya lüğətində bəzi sözlərin tələffüzündə ciddi problemlər var idi. Elə sözlər var ki, o sözlərin tələffüzü sabitləşib. Məsələn müəllim,müalicə,Müavin,teatr kimi sözlərin tələffüzü sabitləşib. Dilçilər isə deyir ki, bu sözlər yazıldığı kimi də tələffüz olunsun.Lüğəti hazırlayan adamlardan əsas tələb oldur ki, dilin üzərində düzgün iş aparsınlar,özlərindən normalar müəyyən etməsinlər.Müzakirələr zamanı orfoepiya,orfoponiya,nitq üzrə dilçilər, tanınmış dilçi aparıcılar, teatr xadimlərinin də fikirlərini almaq məqsədəuyğundur", deyə Qulu Məhərrəmli bildirib. 

Orfoepiya dilçilik elminin ədəbi dilin tələffüz normaları və qayda-qanunlarından bəhs edən bir bölməsidir. Yeri gəlmişkən, vurğulayaq ki, orfoepiya sözü yunanca "düzgün”, "dürüst” mənasında olan "orthos” sözü ilə "danışıq”, "nitq” mənasında olan "eros” sözünün birləşməsindən əmələ gələn bir termindir.