AQTA şadlıq sarayında saxta alkoqollu içkilər aşkarlayıb

Azərbaycan Qida Təhlükəsizliyi Agentliyinin (AQTA) əməkdaşları şadlıq sarayında saxta içkilər aşkarlayıb, bu barədə qurumdan bildirilib.

AQTA əməkdaşları Samux rayonu, Samux-Çobanabdallı yolunun kənarında fəaliyyət göstərən, fiziki şəxs Abbasov Mətləb Fazil oğluna məxsus şadlıq sarayında keçirdiyi monitorinq zamanı qida təhlükəsizliyi sahəsində normativ hüquqi aktların tələblərinin kobud şəkildə pozulduğu, saxta yollarla hazırlanmış "Organic Line” nişanlı alkoqollu içkilər aşkarlayıb.


Faktla bağlı qanunvericiliyə uyğun müvafiq tədbirlər görülüb, məhsullar müsadirə edilərək saxlanca qoyulub. Müayinələrin aparılması üçün alkoqollu içkilərdən götürülmüş nümunələrin sınaq nəticələrinə əsasən, məhsulun normativ tələblərə cavab vermədiyi müəyyən edilib. Araşdırmalar davam etdirilir.

www.anews.az