Müharibədə iştirak edən səhiyyə işçilərinə veteranlıq statusu niyə verilmir? - RƏSMİ AÇIQLAMA

 

"Səhiyyə işçilərinə veteranlıq statusu" verilməsi ilə bağlı qərardan sonra müharibədə iştirak edən səhiyyə işçilərinin sənədləri toplanıb. 15 gün sonra bizə cavab verildi ki, siyahıda adam çox olduğu üçün həmin siyahı geri qaytarılıb. Bizə isə hələlik məsələnin nə yerdə olduğu barəsində məlumat verilməyib. Sadəcə gözləyin deyiblər", - xəstəxanaların birində çalışan səhiyyə işçisi bildirib.

 

Məsələ ilə bağlı anews.az-ın sorğusuna cavab olaraq TƏBİB-dən bildirildi ki, Tibbi Ərazi Bölmələrini İdarəetmə Birliyi (TƏBİB) tabeliyində olan tibb müəssisələrində çalışan, döyüş əməliyyatlarının aparıldığı ərazilərdə təminat növləri üzrə tapşırıqların yerinə yetirilməsi üçün ezam olunmuş şəxslər barədə siyahını və təsdiqedici məlumatları hazırlayaraq İcbari Tibbi Sığorta üzrə Dövlət Agentliyinə təqdim edib. Həmin şəxslər barədə siyahı və təsdiqedici məlumatlar - hərbi biletlərin surəti, şəxsi işlər, ezamiyyət vəsiqələri, əmrlərdən çıxarışlar və hərbi döyüşlərdə iştirakı sübut edən digər sənədlər TƏBİB-in tabeliyində olan tibb müəssisələrindən toplanılıb.

Müraciət edən səhiyyə işçisinin şikayətinə isə cavab olaraq qurumdan bildirildi ki, həmin işçisinin sənədləri düzgün formada göndərilmədiyi üçün belə hal yaşanıb. Artıq həmin işçi ilə bağlı lazım olan sənədlər aiddiyatı üzrə yönləndirilərək qeydiyyata alınıb.

 

 

 Nazirlər Kabinetinin 26 fevral 2022-ci il tarixli 127s nömrəli Sərəncamına əsasən Azərbaycan Respublikası Prezidentinin yaratdığı publik hüquqi şəxslərə "Müharibə veteranı, silahlı qüvvələr veteranı və əmək veteranı adlarının verilməsi qaydası və şərtləri haqqında Əsasnamə”də Vətən müharibəsi dövründə həmin ərazilərdə ön cəbhədə fədakarlıq göstərmiş əməkdaşlarının və mülki işçilərinin siyahısını təsdiqedici sənədlərlə birlikdə, həmin şəxslərin ön cəbhədə yerinə yetirdikləri tapşırıqlara dair ətraflı arayış (hər bir şəxsə münasibətdə ayrı-ayrılıqda) əlavə edilməklə on beş gün müddətində Nazirlər Kabinetinə təqdim etmələri tapşırılıb.