Ali Məhkəmə AXCP üzvlərinin şikayətini TƏMİN ETMƏYİB
27.04.2022 13:36
Azərbaycan Xalq Cəbhəsi Partiyasının (AXCP) Rəyasət Heyətinin üzvləri Məmməd İbrahim, Bəxtiyar İmanov və Ayaz Məhərrəmovun kassasiya şikayəti təmin edilməyib. Bu barədə qərar Ali Məhkəmədə hakim Fərhad Kərimovun sədrliyi ilə keçirilən iclasda bildirilib.
Sözügedən şəxslər 2020-ci il iyulun 14-də keçirilən, Azərbaycan Ordusuna dəstək aksiyasında yaranmış insident faktı üzrə ittiham edilib.
Həmin yürüş-mitinqi iyulun 15-də səhərə yaxın polis tərəfindən dağıdılıb. Aksiyanın dağıdılması zamanı polis su şırnaqlarından, gözyaşardıcı qazdan və dəyənəklərdən istifadə edib.
Bu zaman polis aksiyaçıları parlamentin binasından çıxarıb və polislə qarşıdurma yaşanıb. Yaranmış insidentlə bağlı cinayət işi qaldırılıb, çoxsaylı insan həbs edilib.
Təqsirləndirilən şəxslər Cinayət Məcəlləsinin 186 (əmlakı qəsdən məhvetmə və ya zədələmə), 127 (qəsdən sağlamlığa az ağır zərər vurma) 233 (ictimai qaydanın pozulmasına səbəb olan hərəkətlər təşkil etmə) və 315-ci (hakimiyyət nümayəndəsinə zor tətbiq etmə) maddələri ilə günahlandırılıb. Cinayət işi üzrə ümumilikdə 37 nəfər təqsirləndirilən, 22 nəfər zərərçəkən şəxs olub.
Səbail rayon Məhkəməsinin hökmünə əsasən, Məmməd İbrahim və Fuad Qəhrəmanlıya 4 il 1 ay 17 gün, Bəxtiyar İmanov və Ayaz Məhərrəmova 3 il sınaq müddəti olmaqla, 3 il 7 ay 13 gün şərti cəza təyin olunub. Qalan 8 nəfərə 2,5 il sınaq müddəti olmaqla 2,7 il şərti cəza təyin edilib.
Ləman Qasımova
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
