"Amnesty International" Qarabağda bu şəxslərin hüquqlarının pozulduğunu deyir
17.05.2022 21:44
Dağlıq Qarabağ münaqişəsi zamanı yaşlı insanların hansı xüsusi risklərlə qarşılaşdı. Azərbaycan hakimiyyəti onların mənzil və yaşamaq üçün lazımi gəlir ilə təmin edilməsi üçün gərəkli hər şeyi etməlidir. Bu "Amnesty International" təşkilatının mayın 17-də dərc etdiyi yazıda öz əksini tapıb.
"Onillər boyunca Ermənistan və Azərbaycan arasında Dağlıq Qarabağ uğrunda münaqişə insanlar üçün iztirab mənbəyi olub. Bütün köçkünlər ilkin yaşayış yerlərinə təhlükəsiz şəraitdə qayıtmaq hüququna malikdirlər. Yaşlı insanların üzləşdiyi xüsusi risklər nəzərə alınmalıdır. Azərbaycan hakimiyyəti onların lazımi mənzil və digər insanlarla eyni şəkildə qazanc əldə etmək imkanı ilə təmin edilməsi üçün ondan asılı olan hər şeyi etməlidir", - təşkilatdan bildirilib.
Bu qeyri-hökümət təşkilatın əsası 1961-ci ildə Böyük Britaniyada qoyulub. Onun məqsədi "özünün insan haqlarının təbliği sahəsində işi kontekstində fiziki və psixoloji toxunulmazlıq hüququnun, vicdan və özünüifadə azadlığının, diskriminasiyadan azad olma azadlığının pozulmasının qarşısının alınması və dayandırılmasına yönəldilmiş tədqiqatlar və hərəkətlər həyata keçirilməsidir.
www.anews.az
"Ən son qaçış: Dağlıq Qarabağda münaqişə zamanı yaşlı insanların məcburi köçürülməsi və onlara qarşı hərbi cinayətlər" adlanan hissədə ermənilərin hüquqlarının pozulmasından bəhs edilir.
"Azərbaycanda yaşlı insanlar üçün məcburi köçkünlük və qayıdışa hazırlıq necə keçir" adlı ikinci hissədə isə Azərbaycanın yaşlı nümayəndələrinin çəkdiyi əziyyətlər söz açılıb.
"Amnesty International" təşkilatı vurğulayıb ki, Ermənistanın mülki obyektləri məhv etməsi və vətəndaşların əmlakını müsadirə etməsi, habelə yerüstü minalardan geniş istifadəsi beynəlxalq humanitar hüquq normalarının pozuntusudur.
"Bu pozuntular nəinki köçkünlərin qayıtmaq hüququnu həyata keçirməsinə mane olur, həm də Azərbaycanın məcburi köçkünlərin münaqişənin əhatə etdiyi rayonlara köçürülməsi üzrə səylərinə ciddi maneə törədir", - yazıda qeyd olunub.
Ləman Qasımova
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 11:02
2027-ci ildə ərzaqlıq buğda ilə özünütəminetmə tədbirlərinə 30,4 milyon manat ayrılacaq
Son xəbərlər 
Daha çox 
Foto
Video
