DTX-nın saxladığı vəzifəli şəxs Sahil Babayevin qohumu olduğu iddia edilir

Dövlət Təhlükəsizliyi Xidməti (DTX) Gömrük Komitəsində daha bir əməliyyat keçirib. Əməliyyat zamanı saxlanılanlardan biri də Enerji Resursları və Dəniz Nəqliyyatında Baş Gömrük İdarəsinin rəis müavini Rəşad Babayevdir.


"Qafqazinfo”nun məlumatına görə, o, əmək və əhalinin sosial müdafiəsi naziri Sahil Babayevin qohumudur. Mətbuatda Rəşad Babayevin nazirin əmisi oğlu olması ilə bağlı dəfələrlə yazılar dərc olunub.


Rəşad Babayev bundan əvvəl Dövlət Gömrük Komitəsinin Malliyyə-tarif və valyuta nəzarəti baş idarəsinin rəis müavini, Tovuz Gömrük İdarəsinin rəisi vəzifələrində çalışıb.

www.anews.az