Prezident bu quruma tapşırıqlar verdi

İlham Əliyev Qida Təhlükəsizliyi Agentliyinin qarşısında əhalinin sağlam qidalanması istiqamətində tapşırıqlar verib. Bunu Azərbaycan Qida Təhlükəsizliyi Agentliyinin (AQTA) Aparat rəhbəri Elxan Mikayılov bildirib.

Onun sözlərinə görə, bu tapşırıqlar çərçivəsində dövlət proqramında tədbirlər həyata keçirilir.

"Qeyri-sağlam qidalanma nəticəsində kökəlmə, boy inkişafından geridə qalma problemləri yaradıb. Qida Təhlükəsizliyi Agentliyi buna görə də Təhsil Nazirliyi ilə sıx əməkdaşlıq edir. Sağlam qidalanma tədbirləri ilə bağlı AQTA tərəfindən 20 minə yaxın şagird arasında geniş marifləndirmə işləri həyata keçirilib. Bu prosesdə UNİCEF-in böyük töhfəsi var. "Məktəblilərin qida bələdçisi" layihəsi çərçivəsində həssas əhali kateqoriyasına daxil olan məktəblilərin düzgün qidalanması istiqamətində gələcəkdə birgə çalışmaq istəyirik ", - o əlavə edib.

Birləşmiş Millətlər Təşkilatının  Uşaq Fondunun (UNİCEF) Azərbaycandakı nümayəndəsinin müavini Villiam Abi Abdullah da sağlam qidalanmanın uşaqlar üçün vacibliyini vurğulayıb.

Onun sözlərinə görə, yaxşı qidalanmamaq uşaqların təhsilinə təsir göstərir.

 "Sağlam qidalanma vərdişlərinin uşaqlara aşılanması ilə bağlı bu mühüm layihəni tərəfdaşlarımızla yerinə yetiririk. Biz 16 məktəbdə oxuyan şagirdlərin biliklərini əvvəlcə araşdırdıq. Layihənin əvvəlində şagirdlər bildirdi ki, onlar məktəbə gələndə səhər yeməyi yemirlər. Ancaq layihədən sonra bu hal 20 %-dən 7 %-ə düşdü", - o bildirdi.


www.anews.az