İcra Hakimiyyətinin başçısı və millət vəkili sakinləri qəbul etdilər

Yasamal Rayon  İcra Hakimiyyətinin başçısı Elşad Həsənov və Milli Məclisin deputatı Ülvi Quliyev rayon sakinləri üçün növbəti birgə səyyar qəbul keçiriblər. Qəbul Yasamal rayonunun 52 nömrəli tam orta məktəbin akt zalında baş tutdu.

Səyyar qəbulu giriş sözü ilə açan Yasamal Rayon  İcra Hakimiyyətinin başçısı Elşad Həsənov bildirdi ki, sakinlərlə görüş Azərbaycan Prezidenti cənab İlham Əliyevin dövlət qurumları rəhbərlərinin yerlərdə əhali ilə görüşlərinin keçirilməsi ilə bağlı tapşırığına uyğun olaraq keçirilir.Bildirildi ki, səyyar qəbulun məqsədi birbaşa vətəndaşlarla görüşüb onları narahat edən problemləri müzakirə etmək və qısa müddətə həllinə nail olmaqdır. Qəbulda Yasamal rayon Mənzil Kommunal Təsərrüfatı Birliyinin,Yasamal Bələdiyyəsinin, habelə  təsərrüfat və xidmət sahələrinin vəzifəli şəxsəri  də iştirak ediblər. Qəbulda iştirak edən  Yasamal rayonu sakinləri sənədsiz evlər, tikinti normaları, yaşıllıqların mütəmadi sulanması, qəzalı evlər, küçələrin işıqlandırılması, sərnişin marşrut xəttləri və bir sıra sosial məsələlər qaldırdılar.Görüşdə bir qrup sakin əvvəlki qəbulda qaldırdıqları kommunal xarakterli problemlərin həll edilməsinə görə Yasamal RİH rəhbərliyinə təşəkkürünü bildirdilər.İcra Hakimiyyətinin başçısı Elşad Həsənov  sakinlərin bir sıra müraciət və təklifləri ilə bağlı rayonunun  təsərrüfat və xidmət sahələrinin məsul şəxsərinə tapşırıqlar verdi.Daha sonra söz alan millət vəkili Ülvi Quliyev sakinləri narahat edən bəzi məsələlərə dair ətraflı məlumat verdi.Millət vəkili bildirdi ki, Yasamal sakinlərini narahat edən problemlər barədə müvafiq qurum və idarələr qarşısında məsələlər qaldıracaq.Yasamal rayonunda icra və qanunverici hakimiyyət nümayəndələrinin yerli sakinlərlə görüşləri davam edir.