Sürücü dedi ki, yuxarıdan tapşırıq var, gediş haqqı 40 qəpik olub - Naxçıvan sakini

"Bu gün səhər işə gedərkən avtobusa 30 qəpik pul verdim. Sürücü dedi ki, qiymətlər bu gündən qalxaraq 40 qəpik olub. Mən etiraz etdim. Bildirdim ki, bu barədə hökumətin qərarı olmayıb. Sürücü israr etdi ki, qeyri-rəsmi yuxarıdan tapşırıq var, ya 40 qəpik ödəyəcəksən, ya da marşrutdan enəcəksən. Məcbur qalıb əlavə 10 qəpik də ödədim”.
"Marşrut sürücüsü sərnişinlərə gedişhaqqının 30 qəpikdən 40 qəpiyə qalxdığını elan etdi. Sərnişinlər etiraz edərək sürücüdən gediş haqqının 40 qəpik olması ilə bağlı elanı yazıb avtobusa yapışdırmağı tələb etdilər. Sürücü etiraz etdi. Bu səbəbdən sürücü ilə sərnişinlər arasında mübahisə yarandı. Sürücü qiymətlərin rəsmi qalxmadığını, yuxarıların tapşırığı olduğunu bildirdi. Dedi ki, Aİ-95 markalı benzinin qiyməti qalxıb. Sərnişinlər bu avtobusların Aİ-95 markalı yanacaqla işləmədiyini bildirsə də xeyri olmadı. Sürücü sərnişinlərdən bir gediş üçün 40 qəpik aldı”.
www.anews.az