Bu həddə gətirib çıxarırlar, sonra da deyirlər, qazi niyə intihar eləyir - AÇIQLAMA
08.08.2022 14:21
Bizi nə axtaran var, nə maraqlanan var. Ümumiyyətlə heç nə ilə maraqlanmırlar. İşlə də təmin etmirlər. Deyirlər dəlixanada yatmısan, səni işlə təmin edə bilmərik. Əlilliyimi təsdiq etmirlər. Bu sözləri Yeniavaz.com-a müraciətində Vətən müharibəsi qazisi, Lənkəran şəhər sakini Şahbazlı Asin Ulduz oğlu deyib.
"İş istəyirəm fəhləliyə göndərirlər. Deyirəm mənim səhhətimdə problem var, əməliyyata ehtiyac var. 300 manat əməkhaqqı verirlər. Kirayədə qalıram. Kirayə puluna sağ olsun, xalqımız köməklik edir. Heç bir yerdən gəlirim yoxdur. Hara iş üçün gedirəm, deyirlər, dəlixanada yatmısan. Deyirəm ki, müharibədən qabaq normal insan olmuşam, Vətənə xidmət etmişəm. Konkret nə baxan, nə də axtaran var. Özüm də 2 ildir psixoterapik dərmanlarla yaşayıram. Hara müraciət edirəm, ancaq boş məktublar gəlir. Deyirlər sistem bağlıdır. İndi hansı dövrdür ki, sistemi bağlayırlar. Bu həddə gətirib çıxarırlar, sonra da deyirlər, qazi niyə intihar eləyir”, - o deyib.
Dövlət Tibbi-Sosial Ekspertiza və Reabilitasiya Agentliyinin mətbuat katibi Tural Qurbanov bildirib ki, qazi Şahbazlı Asin Ulduz oğlu məsələ ilə aidiyyəti quruma heç bir müraciət etməyib. Tural Qurbanov qazi tərəfindən müracət olunacağı təqdirdə məsələnin araşdırılacağını bildirib.
Dövlət Məşğulluq Agentliyinin mətbuat katibi Əsmər Nəcməddinqızı isə Yeniavaz.com-a açıqlamasında qazinin istəyinə uyğun vakansiya olduğu təqdirdə aidiyyəti üzrə iş aparılacağını qeyd edib.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 12:05
Azərbaycanda yağıntılı hava davam edir: Qrız və Şahdağda qarın hündürlüyü 5 santimetrə çatıb - faktiki hava
Foto
Video
