Arıçılıq yarmarkasında iştirak üçün fermerlər bu qədər pul ödəməlidir
22.08.2022 15:40
2022-ci il oktyabrın 1-20-si aralığında Bakıda növbəti arıçılıq yarmarkası iştirak etmək üçün fermerlər 150 manat pul ödəməlidir, bu barədə Kənd Təsərrüfatı Nazirliyindən məlumat verilib.
Yarmarkada iştirak etmək istəyən arıçılar 29 avqust saat 00:00-dan 31 avqust saat 23:59-dək qeydiyyatdan keçməlidirlər. Qeydiyyatı təsdiqlənən fermerlərə SMS-lə bildiriş göndəriləcək. Ümumilikdə 250 arıçı yarmarkada öz balını satışa çıxara biləcək. Bir arıçı yarmarkada maksimum 400 kq bal və maksimum 30 ədəd arı şanı satışa çıxara bilər.
Bal nümunələrinin qəbulu 8-15 sentyabr tarixləri arasında "Aqrar Tədarük və Təchizat” ASC-nin Xocahəsən yolu, 57 (Meyvəli bazarı) ünvanında yerləşən anbarında baş tutacaq. Analiz üçün götürülmüş nümunələrin nəticələri 3 gündən gec olmayaraq təşkilat komitəsinə bildiriləcək. Keyfiyyət yoxlanışının nəticələri standartlara uyğun olmayan arıçılıq məhsullarının satışına icazə verilməyəcək.
Balın satışı Nərimanov, Fətəli xan Xoyski küçəsi, 5 ünvanında ("Gənclik” metro stansiyasının yaxınlığı) baş tutacaq. Satışa çıxarılacaq balların keyfiyyətinə Azərbaycan Qida Təhlükəsizlilyi Agentliyi nəzarət edəcək.
Yarmarkada yalnız COVID-19 pasportuna malik arıçılar iştirak edə biləcəklər.
Gülnar Nazimqızı
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
