Eldar Mahmudovun villasının qarşısında etiraz aksiyası keçirilib
02.09.2022 12:20
Keçmiş milli təhlükəsizlik naziri Eldar Mahmudovun Nardarandakı villasının qarşısında saxta ittihamlarla qanunsuz həbs olunduqlarını bildirən adamlar etiraz aksiyası keçirilib. Bu barədə Toplum.tv məlumat verib.
Əllərində "Təhdidlə ailələrimizdən aldığınız pulları qaytarın!”, "Azərbaycan dövlətinə güc göstərməyin, pullarımızı qaytarın!”, "Bizə qarşı cinayətinizi qiyamət də örtməz!” yazılmış plakatlar tutan etirazçılar onlara vurulan ziyanın ödənilməsini tələb ediblər.
Aksiya iştirakçıları Eldar Mahmudovun, sabiq Baş prokuror Zakir Qaralov və onun birinci müavini Rüstəm Usubovun məsuliyyətə cəlb olunmasını tələb ediblər.
Onların fikrincə, MTN-də ailələrindən alınan pulların böyük bir hissəsi bu şəxslərə çatıb.
Etirazçılar Bakı Hərbi Məhkəməsində araşdırılan və "MTN işi” kimi tanınan cinayət işində zərərçəkmiş şəxslərdir. Hazırda uzun illər MTN-in İstintaq Baş İdarəsinə rəhbərlik etmiş general Mövlam Şıxəliyev və onun tabeliyində işləmiş şöbə rəisləri Yasin Məmmədov, Vüsal Ələkbərov və Sahib Ələkbərovun məhkəməsi gedir.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
