II Elizabetin ölümündən sonra idman tədbirləri dayandırılıb

Böyük Britaniya Kraliçası II Elizabetin ölümündən sonra idman tədbirləri dayandırılıb. Bununla bağlı BBC məlumat yayıb.
 
Cümə axşamı Əlahəzrət Kraliça II Elizabetin ölümündən sonra ölkədə at yarışları dayandırılıb və eyni zamanda İngiltərə və Cənubi Afrika arasındakı sınaq oyunu ləğv edilib.
 
"Əlahəzrət və kral ailəsinə hörmət əlaməti olaraq cümə axşamı "Wentworth Club”-da BMW PGA Çempionatında oyun dayandırıldı və bayraqlar endirildi", - Avropa Tur Qrupunun bəyanatında deyilir.
 
Bəyanatda "BMW PGA” çempionatında heç bir oyunun keçirilməyəcəyi qeyd olunub.
 
"Bundan əlavə, BMW PGA Çempionatında heç bir oyun keçirilməyəcək və qolf sahəsi və məşq obyektləri bağlanacaq. Oyunun bərpası ilə bağlı əlavə yeniləmələr vaxtında veriləcək. Bu anda kral ailəsinə dərin hüznlə başsağlığı veririk", - bəyanatda bildirilir.
 
"Mançester Yunayted” futbol klubunun rəsmiləri Avropa Liqasında "Real Sociedad”-a qarşı oyununun "Futbol Assosiasiyası və UEFA-nın göstərişi ilə baş tutacağını deyib.
 
Həmçinin, Avropa Konfrans Liqasında "Vest Hem" ilə "FCSB” futbol klubları arasında matç da baş tutub.
 
Sadiq Cavadov

www.anews.az