Yaradıcılıq mərkəzlərinə uşaqların qəbulu dərs ili başlayandan sonra icra olunacaq

Uşaq inkişaf yaradıcılıq mərkəzlərinə uşaqların qəbulu dərs ili başlayandan sonra icra olunur. Bunu Elm və Təhsil Nazirliyinin Məktəbdənkənar fəaliyyətin təşkili şöbəsinin İdman sektorunun müdiri Hilal Salmanov "Media və təhsil dialoqu” mövzusunda keçirilən təlim-seminarda çıxışı zamanı deyib.

"Hər il dərslər başlayandan sonra seçimlər olur. Daha dəqiq seçimlər sentyabr-oktyabrda həyata keçirilir. Uşqqların biliklərinə uyğun olaraq seçimlər aparılır və dövlət hesabına idman növləri ilə məşğul olmaqları üçün şərait yaradılır", - Salmanov bildirib.

Hilal Salmanovun sözlərinə görə dövlət hesabına plan yerləri dolduqdan sonra valideynlər öz hesabına həmin mərkəzlərdə ödənişli əsaslarla xidmət ala bilərlər.


www.anews.az