Soyuqdan donan şagirdlər belə etiraz etdilər - Açıqlama/YENİLƏNİB

Sabirabad rayonu Kolar kənd tam orta məktəbində istilik bərpa olunub.
 
Bu barədə  Elm və Təhsil Nazirliyindən bildirilib.
 

 

 *******

 

 

Sosial şəbəkələrdə Sabirabad rayonunun Kovlar kənd tam orta məktəbində istiliyin olmamasına etiraz edən şagirdlərin görüntüləri yayılıb. 

 

 Bu gün çəkilən görüntüdə məktəblilər əllərində "1 dekabr - soyuqdan donuruq!” sözləri yazılan vərəqlərlə istiliyin olmamasına etiraz ediblər.

Məsələ ilə əlaqədar Mil-Muğan Regional Təhsil İdarəsi ilə əlaqə saxladıq. Qurumdan sorğumuza cavab olaraq bildirildi ki, hazırda problemin həlli ilə əlaqədar iş gedir.

 

"Bir neçə gündür Kovlar kənd məktəbində istiliklə bağlı problem yaranıb. Məktəb dizel yanacağı ilə qızdırılır. Qazanxana işə salınan zaman problem ortaya çıxıb. Hazırda ustalar işləyirlər. Bəzi detallar lazım idi, onlar alınıb. Bu gün, uzağı sabah problem aradan qaldırlacaq, məktəb istiliklə təmin olunacaq”.(Qafqazinfo)