Naftalana gələn turistlərin sayı artıb

Məlumata görə, müraciət edənlərin 7 mindən çoxu 42 ölkədən olan xarici turistlərdir.

 

 

Naftalana müraciət paytaxtdan sonra bölgələrə üz tutan xarici turistlərin coğrafiyasına görə ən yüksək göstəricidir.

 

Hotel və Müalicə Mərkəzlərində ilk sıralarda MDB məkanından olan ölkələrin vətəndaşları həmçinin İsrail, Səudiyyə Ərəbistanı, Türkiyə, Amerika Birləşmiş Ştatları, Küveyt, Birləşmiş Ərəb Əmirlikləri və Almaniyadan gələnlər üstünlük təşkil edib.

 

Naftalanda müalicə alıb istirahət edənlərin sayının artmasına təsir göstərən amillərdən biri də əvvəlki illərdə burada müalicə olunan turistlərin yenidən bu şəfa ocağını seçmələridir.

 

2021-ci ildə Naftalana 15 min nəfərdən çox ölkə vətəndaşı, həmçinin 46 ölkədən 1700 nəfərdən  çox xarici turist gəlib.

 

Naftalanda fəaliyyət göstərən turizm obyektlərində gün ərzində 3 min nəfərədək turist qarşılamaq, onlara yüksək səviyyədə xidmət göstərmək mümkündür. Çox yaxın perspektivdə, tikintisi davam etdirilən bir sıra turizm obyektləri istifadəyə verildikdən sonra, Naftalanda gün ərzində 3,5 min nəfərdən artıq turistə otel və müalicə xidmətləri göstərmək mümkün olacağı bildirilib.

 

Aytac Zeynalova