99% iştirakçı Azərbaycanın bütün imkanları ilə Türkiyənin yanında olduğunu bildirib - STM

Sosial Tədqiqatlar Mərkəzinin keçirdiyi sorğu nəticələrinə görə respondentlərin 99%-i Azərbaycanın Türkiyənin yanında olduğunu, 1%-i isə yetərli dəstək göstərmədiyini bildirib. Bu barədə qurumun növbəti sorğusunda qeyd olunub.

 

Məlumata görə, Türkiyənin 11 şəhərində humanitar fəlakətlərə yol açmış zəlzələ hadisəsindən irəli gələrək, Azərbaycanda bu kimi fövqəladə hallara qarşı mümkün risklərin, ictimai davranış və mühakimələrin öyrənilməsi, eyni zamanda proqnozlaşdırılması məqsədilə rəy sorğuları keçirib.

 

Sorğuda 18 yaşından yuxarı 384 respondent iştirak edib.

 

Sorğu Bakı, Sumqayıt və Gəncə şəhərlərində yalnız bina evlərində yaşayan şəxslər arasında keçirilib.

 

Təxminən 45 minə yaxın insanın ölümünə səbəb olan güclü zəlzələdən iki həftə sonra Türkiyə və Suriyanın sərhəd bölgəsində baş verən daha bir zəlzələ zamanı azı 8 nəfər ölüb.

Bazar ertəsi baş verən 6,4 bal gücündə zəlzələnin mərkəzi fevralın 6-da Türkiyədə dağıdıcı zəlzələdən ciddi zərər çəkən Hatay vilayətinin Defne qəsəbəsi olub.

Yeni zəlzələ Suriya, İordaniya, Livan və Misir də daxil olmaqla, bir çox ölkədə hiss olunub. Bu zəlzələnin ardınca 5,8 bal gücündə daha bir zəlzələ baş verib.


Aytac Zeynalova