Azərbaycanda az qala hər orqan özü üçün istintaq qrupu yaradıb - Deputat/VİDEO

 

"Milli Məclis problemlərin həll olunduğu yer deyil. Təklif edirəm ki, Ombusdman səsləndirdiyi problemləri yerli icra orqanlarları ilə işləyib həlli yoluna çalışsın. Məni narahat edən əsas məsələ məhkəmə hüquq orqanlarının hələ də bərbad işləməsi ilə bağlıdır. Dəyişiklik kadr islahatlarından başlamalıdır. Təəssüf ki, bizdə məhkəmə orqanı adı dəyişməklə işini bitirmiş oldu. Dəfələrlə demişəm ki, ibtidai həbs müddəti 1 il 9 ay olmamalıdır. Əsas yoxdursa şəxs niyə o qədər həbsdə saxlanılır. Bu istiqamətdə fundemental dəyişikliklər olmalıdır", - deputat bildirib.

 

Millət vəkili təklif edib ki, ölkədə fəaliyyət göstərən 8 istintaq orqanı ləğv edilib vahid bir istintaq forması yaradılmalıdır. 

 

Həsənquliyev deyir ki, ölkədə az qala hər qurum özü üçün istintaq qrupu yaradıb və qeyd edib ki, məhkəmələrdə süründürməçililiyin qarşısı alınmalıdır. 

 

Gülnar Nazimqızı