Parlamentdə yenidən pensiya yaşının azaldılması müzakirə olundu

Azərbaycanda pensiya yaşı qadınlarda 60, kişilərdə isə 62 olmalıdır. Bunu deputat Razi Nurullayev Parlamentin bu gün keçirilən iclasında Ombusdmanın illik fəaliyyətini müzakirə edərkən deyib. 

"Xaricdə pensiya yaşının 65 olmasını əsas gətirirlər. Amma unutmaq lazım deyil ki, həmin ölkələrdə tibb,sosial yaşayış,əmək haqları müqayisə olaraq bizdən çox yüksəkdir. Onlarla müqayisəmiz doğru deyil. Biz deputatlar xalqın arasındayıq. Onlar hansı vəziyyətdə yaşayır görürük. Nəzərə alaq ki, xəstəliklər cavanlaşıb. Rəhmətə gedənlərin çoxu 57-62 yaş arasındadır. Hətta qəbirastanlıqlarda da bir monitorinq aparmışam və son zaman ölənlərin əksəriyyəti yaşlanmadan dünyasını dəyişənlərdir”, - deputat bildirib.

Razi Nurullayev Ombusdman Səbinə Əliyevanın pensiya yaşının azaldılmasını təklifini dəstəklədiyini açıqlayıb.

Milli Məclisin çərşənbə axşamı Ombusdman illik məruzə təqdim edib. Təqdimatda pensiya yaşının da azaldılması təklif olunub.


www.anews.az