Yasamal Rayon İcra Hakimiyyətinin başçısı sakinləri qəbul edib

Azərbaycan Respublikasının Prezidenti cənab İlham Əliyevin vətəndaşların müraciətlərinin həlli ilə bağlı göstərişinə uyğun olaraq paytaxtın Yasamal rayonunda sakinlər üçün növbəti qəbul keçirilib.

 

Yasamal Rayon İcra Hakimiyyətinin başçısı Elşad Həsənov sakinləri qurumun inzibati binasında qəbul edib.

 

Tədbirdə həmçinin Yasamal RİH-in məsul şəxsləri, MKTB və rayon bələdiyyəsinin rəhbərliyi də iştirak edib. Sakinləri salamlayan İcra Hakimiyyətinin başçısı Elşad Həsənov onlardan üzləşdikləri problemlər bərədə məlumat verməyi xahiş etdi.İlk öncə söz alan Yasamal rayon sakinləri Azərbaycan Prezidenti cənab İlham Əliyevə vətəndaşların hakimiyyət orqanları tərəfindən mütəmadi qəbuluna dair tapşırığına görə dərin minnətdarlığını ifadə ediblər. Daha sonra növbə ilə söz alan Yasamal rayonunun sakinləri  məşğulluq, Vətən müharibəsi qazilərinin torpaq sahəsi ilə təminatı, mənzil növbəsi və bir sıra sosial xarakterli məsələləri müzakirə ediblər.

İcra başçısı Elşad Həsənov qəbul zamanı müraciət edən rayon sakinlərini dinləyərək onların problemlərinin aradan qaldırılmasına dair RİH əməkdaşlarına bir sıra göstərişlər verib. İcra başçısı sakinləri maraqlandıran suallara ətraflı cavablar və izahatlar verib.

 

Qəbul zamanı bəzi məsələlər yerindəcə həll edilib, icrası vaxt tələb edən müraciətlər isə araşdırılaraq həll edilməsi üçün icraata götürülüb.