Dəlixana ilə hədələndiyini deyən fəal ruhi-əsəb dispanserinə yerləşdirilib

Müqavimət Hərəkatı üzvü Ziyafət Abbasovadan bir sutkaya yaxındır xəbər almaq mümkün olmur. Bu barədə yaxınları sosial şəbəkələr vasitəsilə məlumat veriblər.

Onlar Ziyafət  Abbasovanın hüquq-mühafizə orqanları tərəfindən saxlanıldığını iddia edirlər.

"Ötən gün 11:30 radələrində Cəmil Həsənlinin kitab təqdimatına gedərkən yoxa çıxıb. Ziyafət xanım mənə bildirmişdi ki, bu rejim onu dəlixanaya qoymaqla hədələyir”, - Azərbaycan Xalq Cəbhəsi Partiyasının (AXCP) üzvü Gülnarə Rəhimova bildirib.

DİN-in mətbuat xidmətinin əməkdaşı Nurlan Əliyev  bildirib ki, ictimai fəalın saxlanılması ilə bağlı yayılan iddialar əsassızdır.