Elektrik avtomobillərinin sayı artır, enerji doldurma məntəqələri isə yoxdur

2023-cü ilin yanvar-martında Azərbaycana ümumilikdə 314 milyon 994 min dollar dəyərində 20 799 ədəd avtomobil idxal olub. 2022-ci ilin yanvar-martı ilə müqayisədə ölkəyə idxal olunan avtomobillərin sayı 21,6% və ya 3 697 ədəd artıb. İdxal olunan elektrik mühərrikilə hərəkətə gətirilən nəqliyyat vasitələrinin sayı ötən ilin müvafiq dövrü ilə müqayisədə 5,8 dəfə və ya 338 ədəd  artıb. Bu barədə Dövlət Gömrük Komitəsi məlumat verib.
 
Bu məntəqələrin 22-i Bakıda quraşdırılıb. Bölgələrdə isə Gəncədə, Qubada və Kürdəmirdə enerji doldurma məntəqələri fəaliyyət göstərir.
 
Nəqliyyat məsələləri üzrə ekspert Yasin Mustafayevin sözlərinə görə, Azərbaycanda bu sahə üzrə infrastruktur yox səviyyəsindədir.
 
"Ölkədə bu sahədə addımların atılmadığını görürük. Bakı şəhərində cəmi bir neçə ədəd yükləmə məntəqəsi var. Bu avadanlıq kifayət qədər bahalı avadanlıqdır və o qədər də gəlir gətirən bir sahə deyil. Ona görə də, şirkətlər bu məsələdə maraqlı olmurlar. Hər kəsin yaşadığı evdə şəraiti yoxdur ki, avtomobilini elektiriklə yükləsin. Sözü gedən sahəyə müəyyən dəstək lazımdır. Bu infrastrukturu yaratmaq üçün tədbirlər planı hazırlanmalı və yaxud dövlət proqramı olmalıdır ki, hər bir müəssisə, təşkilat, restoran və yol kənarı obyektlər bu xidməti özlərində təşkil etsinlər. Onlara müəyyən güzəştli şərtlərlə bu məntəqələr verilsə, bu xidmət onlar tərəfindən qarşılanar. Burada şirkət özü də xeyir götürdüyünə görə, bu işdə maraqlı ola bilər”, - ekspert bildirib.
www.anews.az