Özbəkistanda bananın qiyməti bir həftə ərzində 12% ucuzlaşıb

Özbəkistanda bananın orta topdansatış qiyməti 11,8% ucuzlaşıb ki, bu da bu il azalma sürəti baxımından ən kəskin azalma olub. 

2023-cü il iyunun 9-dan 16-dək Özbəkistanda bananın orta topdansatış qiyməti 1,49 dollardan 1,31 dollara düşüb. Bu məhsulların son iki ayda, yəni 2023-cü il aprelin 21-dən iyunun 16-dək davamlı ucuzlaşma tendensiyasını nəzərə alınmaqla, bananın orta topdansatış qiyməti 1,93 dollardan 1,31 dollara düşüb.

16 iyun 2023-cü il tarixinə bu məhsulların orta topdansatış qiyməti 2019-2022-ci illərin eyni tarixində qeydə alınan səviyyələrlə müqayisədə ən aşağıdır.

16 iyun 2023-cü il tarixinə EastFruit beynəlxalq komandasının meyvə və tərəvəzin topdansatış qiymətlərinə həftəlik nəzarət etdiyi ölkələrdə bananın orta topdansatış qiyməti (1 kq üçün ABŞ dolları ilə)  Polşa - 1,12 dollar; Ukrayna - 1,15 dollar; Özbəkistan - 1,31 dollar; Moldova - 1,46 dollar; Gürcüstan - 1,72 dollar; Tacikistan - 1,97 dollar olub.

Aytac
www.anews.az