Əsrin ortasına kimi aclıq edənlərin sayı 80 milyon artacaq - BMT

 

 

"2000-ci ildən 2023-cü ilə qədər "qlobal miqyasda iqlim amilləri ilə bağlı təbii fəlakətlərin sayı və daşqınlar 134% artıb. 2021-ci ildə 828 milyondan çox insan aclıqla üzləşib. İqlim dəyişikliyinin bu əsrin ortalarına qədər daha 80 milyon insanı aclıq təhlükəsi ilə üz-üzə qoyacağı proqnozlaşdırılır ki, bu da həqiqətən dəhşətli çarəsizlik və məhrumiyyət miqyası yaradacaq”, – Volker deyib. 

 

Hazırda iqlim dəyişməsinin fəsadları ən çox  Saharadan cənubda yerləşən Afrika, Asiya, kiçik ada dövlətləri, Mərkəzi və Cənubi Amerikada yaşayan insanlar tərəfindən hiss olunur.

"Qlobal istiləşmə sürətləndikcə, bu təsirlər daha böyük və daha güclü olacaq. Heç bir ölkə aman verməyəcək”, - BMT-nin Ali Komissarı xəbərdarlıq edib.

 

BMT-nin son hesabatına görə hazırda dünyada təxminən 258 milyon insanın təcili ərzaq yardımına ehtiyacı var. Bu statistika son yeddi ilin ən yüksək göstəricisidir.

 

Hesabatda təhlil edilən 42 əsas qida böhranı kontekstindən 30-da beş yaşından kiçik 35 milyondan çox uşağın kəskin şəkildə qidalanmadan əziyyət çəkdiyi göstərilir. Bu da uşaq ölümünün artmasında əsas rol oynayır. Hesabatda qeyd olunub ki, beynəlxalq ictimaiyyət qida böhranı baş verdikdə onların təsirlərinə cavab verməkdənsə, bu problemin köklü səbəblərini həll etmək istiqamətində işlər aparmalıdır. Bunun üçün beynəlxalq təşkilatlar, hökumətlər, özəl sektor, regional təşkilatlar, vətəndaş cəmiyyəti və icmalar tərəfindən innovativ yanaşmalar və daha çox koordinasiya tələb olunur.

 

Gülnar Nazimqızı