Dərmanlar apteklərdə düzgün şəkildə saxlanılmır - Kamilə Əliyeva

 

"Belə hallarla özüm də rastlaşmışam. Dərmanları sıra ilə rəflərə düzürlər. Amma saxlanma şəraitinə nəzarət etmirlər. Nəzərə alsaq yaydır. Buna daha çox diqqət etmək lazımdır. Saxlama şəraiti düzgün olmadığı zaman dərmanların kefiyyəti də itir", - Kamilə Əliyeva iyulun 4-də Milli Məclisin səhiyyə komitəsinin iclasında "Dərman vasitələri haqqında" qanuna münasibət bildirərkən çıxışı zamanı deyib. 

 

Deputat həmçinin təklif edib ki, tərkibi bioloji maddələrdən ibarət olan dərmanlar da reseptlər əsasında satılmalıdır və müəyyən bir doza qeyd edilməlidir. 

 

Səhiyyə nazirinin müavini Rasim İsmayilov bildirib ki, nazirlik tərəfindən planlı və plansız yoxlama həyata keçirilir və qanunvericiliyə uyğun addımlar atılır.  

 

Gülnar Nazimqızı