Müəllim olmaq istəyənlərin çoxu Bakı və Sumqayıtı seçir

Ötən ildən tətbiq olunan belə bir qayda var ki, əgər bir müəllim öz fəaliyyətinə ucqar məktəbdə başlayarsa və bu fəaliyyət 3 il davam edərsə, o növbəti yerdəyişmə, yaxud MİQ imtahanlarında 1.05 ballıq əlavə əmsal qazanmış olur. Bunu İnsan Resursları Mərkəzinin direktoru Nurlan İsmayılbəyli deyib.

Onun sözlərinə görə, namizədlərin çoxu Bakı və Sumqayıt ərazilərinə maraq göstərsələr də, get-gedə bölgələrdə də müəllim işləmək istəyənlərin sayı artır. 

"Demək olmaz ki, müəllimlər sırf Bakı və Sumqayıt bölgələrində çalışmaq istəyirlər. Bu fənnə, bölməyə və bölgəyə müvafiq olaraq dəyişir. Digər tərəfdən də vakant yerlərin sayı da burada önəmli rol oynayır. Digər bir məsələ ilə müəllimlərin balına əlavə olunan əmsalla bağlıdır. Ötən ildən tətbiq olunan belə bir qayda var ki, əgər bir müəllim öz fəaliyyətinə uzaq məktəbdə başlayarsa və bu fəaliyyət 3 il davam edərsə, o növbəti yerdəyişmə, yaxud Müəllimlərin işə qəbuku imtahanlarında 1.05 ballıq əlavə əmsal qazanmış olur. Bu müddət 3 ildən çoxdursa, bu əmsalların sayı  1.1 olur.  Bu da namizədlərin seçiminə təsir göstərir. Həmçinin bu addım regionlarda müəllim sayının artırılması üçün  önəmli addımlardan biridir", - o bildirib.

Müəllimlərin işə qəbulu üzrə müsabiqənin test imtahanları 11-15 iyul tarixlərində 13 şəhərdə 29 imtahan mərkəzində keçiriləcək.

Eltac

www.anews.az