REAL partiyası fəaliyyətini davam etdirəcək - İlqar Məmmədov

"Dünən axşam bizə Ədliyyə Nazirliyindən məlumat daxil oldu. Bu artıq ikinci məlumat idi, hansı ki, bu məlumat istədiyimiz qədər təfərrüatlıdır. Yəni təqdim etdiyimiz hər bir üzvlə bağlı Ədliyyə Nazirliyi qiymətləndirmə verib ki, bu adam partiya üzvü kimi tanınır ya tanınmır, yaxud tanınmırsa qeyri-dəqiqlik nədən ibarətdir. Belə məlum oldu ki, təqdim etdiyimiz 5118 nəfərdən 2040 nəfəri Ədliyyə Nazirliyinin reyestrində tapa bildilər. 27 nəfərin məlumatı sistemə təkrar daxil olub, 16 nəfər dünyasını dəyişib, 90 nəfər isə bir neçə partiyanın üzvüdürlər. 2020 nəfərin məlumatı dövlət reyestrində tapılmayıb, bununda səbəbi məlum olub ki , sistemdə hərf və ya rəqəm səhvi var. Bu qarışıq sistemi yaradan dövlətin bu qeydiyyat sistemidir", - partiya sədri deyib.

 

Ədliyyə Nazirliyinin son açıqlamasına görə, hazırda 31 partiya ləğv olunması ilə bağlı nazirliyə müraciət edib. 26 partiya isə rəsmi olaraq resyterdə təsdəqilənib.