İbadoğlunun ailəsi ilə görüşünə və telefon danışıqlarına icazə verilib - Vəkil

"Nərimanov Rayon Məhkəməsi İbadoğlunun ailəsi ilə bağlı görüş və telefon danışığı ilə bağlı şikayətini rədd etmişdi. Bu qərarla bağlı Bakı Apellasiya Məhkəməsinə müraciət etmişdik. Məhkəmə vəsatəti qismən təmin etdi. Ailə üzvləri ilə görüş və danışığına icazə verilib", - vəkil vurğulayıb. 

 

İbadoğlu iyunun 23-ü Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.
 
Qubad İbadoğlu barəsində Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham verilib və təqsirləndirilən şəxs qismində məsuliyyətə cəlb edilib. 
 
Hazırda Qubad İbadoğlu barəsində 3 ay 26 günlük həbs qətimkan tədbiri seçilib.
 
Britaniyanın Azərbaycandakı Səfirliyi Azərbaycan hökumətini iyulun 23-də həbs olunan Azərbaycan Demokratik Partiyasının sədri Qubad İbadoğlunu dərmana və ədalətli hüquqi proses də daxil olmaqla insan hüquqlarına hörmət edilməsini təmin etməyə çağırıb. Bu çağırışa İngiltərə, Amerika, Almanya, Fransa da qoşulub. 
 
London İqtisadiyyat və Siyasi Elmlər Məktəbi (LSE) də siyasətçinin həbs olunmasından narahatlığını ifadə edib. 

Eltac Nurullazadə