Aİ-nin Azərbaycana sanksiya tətbiq etməsi şansı azdır - Politico

 

Nəşr səbəb kimi Aİ-nin Azərbaycandan təbii qaz tədarükündən asılı olması göstərilir.  

 

Bundan əvvəl Avropa İttifaqının 60 deputatı Azərbaycana sanksiyaların tətbiq edilməsi ilə bağlı təkliflər hazırlayıb. 

Politico yazır ki, avropalı siyasətçilər tez-tez bəyanatlarında Ermənistanın tərəfini tutmağa hazır olsalar da, Brüssel Xəzər qazını Rusiya qazına alternativ hesab etdiyi üçün Azərbaycanın ictimaiyyətə təsiri daha güclüdür.

 

Materialda deyilir ki, bəzi avropalı siyasətçilərin utancaq narahatlıq ifadələrinə baxmayaraq, iqtisadi böhran Aİ-ni öz dəyərləri və Bakı ilə əməkdaşlığın faydaları arasında seçim etməyə məcbur edir.

 

Qəzetin məlumatına görə, 2022-ci ildə Avropa İttifaqı Trans-Adriatik Boru Kəməri vasitəsilə Azərbaycan qazının ümumi həcminin təxminən 3,4%-ni idxal edib.

Qəzet yazır ki, Bakı İXQ ehtiyatlarına görə dünyada dördüncü yeri tutan Türkmənistana yaxın olması səbəbindən gələcəkdə icmanın enerji strategiyasında daha mühüm rol oynaya bilər. 

 

2023-cü ilin birinci yarısında Azərbaycandan Avropaya qaz ixracı 8,9% artıb. 2022-ci ildə Azərbaycan qaz ixracını 18%, yəni  22,3 milyard kubmetrədək artırıb, Avropaya tədarük 11,4 milyard kubmetr (+39%) təşkil edib.


2023-cü ildə Azərbaycandan 24,5 milyard kubmetr qaz ixracı planlaşdırılır ki, bunun da təxminən 12 milyard kubmetri Avropayadır.


Hazırda Avropada Azərbaycan qazının alıcıları İtaliya, Yunanıstan, Bolqarıstan və Rumıniyadır.

 

Bundan əvvəl Kanada müxalifəti və Avropa İttifaqının 60 deputatı Qarabağda baş verən son proseslərə görə Azərbaycanı ittiham edərək ölkəyə qarşı sanksiyaların qoyulmasını təklif edib. 
 
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov sentyabrın 20-də XİN-də keçirilən brifində deyib ki, Azərbaycan əlehinə çağırışlar edən beynəlxalq təşkilatlar qıcıqlandırıcı fikirlərdən yayınmalıdır. 

Sentyabrın 28-də Qarabağda qondarma rejimin "prezidenti" Samvel Şahramanyan 2024-cü il yanvarın 1-dən separatçı rejimin ləğv olunması ilə bağlı qərar qəbul edib. Əhaliyə Bakının təklif etdiyi reinteqrasiya şərtlərini nəzərdən keçirmək və qalma imkanları ilə bağlı öz qərarını vermək tapşırılıb. 
 
Gülnar Nazimqızı