AbzasMedia-nın təsisçisi və baş redaktorunun vəsatəti təmin edilməyib
27.11.2023 12:08
Bakı apellyasiya məhkəməsində AbzasMedia saytının baş redaktoru Sevinc Abbasovanın və təsisçisi Ülvi Həsənlinin 21 noyabr tarixində həbs olunması qərarına qarşı verilən appelyasiya şikayəti təmin edilməyib. Bu barədə onların vəkili Zibeydə Sadıqova məhkəmədən sonra jurnalistlərə bildirib.
"Müdafiə tərəfi onların dərhal azad edilməsini tələb edirdi. Bizim arqumentlər nəzərə alınmadı. Şikayətimiz təmin edilmədi", - Sadiqova bildirib.
Vəkilin sözlərinə görə, Ülvi Həsənli məhkəməyə ifadəsində tamamilə əsassız tutulduğunu deyib.
" Ülvi həbsinin jurnalist fəaliyyəti ilə bağlı olduğunu söyləyib, azad olunmalıdır və öz işinə qayıtmalı olduğunu məhkəməyə syləyib", - vəkil vurğulayıb.
Həsənli və Abbasovaya qarşı Cinayət Məcəlləsinin 206.3.2-ci (qaçaqmalçılıq) maddəsi ilə ittiham irəli sürülüb.
Noyabrın 21-də Bakının Xətai Rayon Məhkəməsində AbzasMedia-nın redaktoru Sevinc Vaqıfqızı haqqında 3 ay 29 gün, saytın təsisçisi Ülvi Həsənliyə isə 4 ay müddətinə həbs qətimkan tədbiri seçilib.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
