YUNESKO - Bu il vəzifə borcunu yerinə yetirən 65 jurnalist öldürülüb

 

Bildirilib ki, bu il xüsusilə jurnalistlər üçün ölümcül il olub və son 3 illə müqayisədə qətllər 2 dəfə artıb. 

 

"2022-ci ildə 28, 2021-ci ildə isə 20 ilə müqayisədə 2023-cü ildə münaqişə vəziyyətində olan ölkələrdə ən azı 38 jurnalist və media işçisi iş zamanı həlak olub. UNESCO indiyədək Fələstində 19, Livanda 3, İsraildə isə 2 oktyabrın 7-dən bu yana öldürüldüyünü bildirib. Əfqanıstan, Kamerun, Suriya və Ukraynada da ən azı iki qətl hadisəsi qeydə alınıb", - məlumatda qeyd olunub. 

 

YUNESKO-nun açıqlamasında qeyd olunur ki, jurnalistlərə qarşı təhdid formaları təhlil edilərək sənədləşdirilir. Təşkilat bildirir ki, ən çox seçki dövründə jurnalistlərə qarşı zorakılıq halları artır. 

 

Beynəlxalq təşkilat gələn il 60-dan çox ölkədə 2,6 milyard insanın seçkiyə gedəcəyini nəzərə alaraq xüsusi narahatlığını ifadə edib. 

 

Gülnar Nazimqızı