AbzasMedianın direktoru Ülvi Həsənli ailə üzvləri ilə görüşüb

"Ülvi Həsənli və Sevinc Vaqifqızında telefon danışığına qoyulan qadağa aradan götürülüb. Hətta Ülvi bazar günü ailəsi ilə görüşüb. Bu həftə də Sevincin ailəsi ilə görüşü planlaşdırılır. Qoyulmuş qadağa şənbə günündən etibarən götürülüb", - vəkil deyib. 

 

Vəkil Şəhla Hümbətova özünün "Facebook" sosial şəbəkəsində AbzasMedia işində saxlanan şəxslərin ailə üzvləri ilə görüşə və zənglərə qoyulmuş məhdudiyyətin aradan götürüldüyünü söyləyib. 

 

2023-cü ilin noyabrın 20-də "Abzas Media"nın direktoru Ülvi Həsənli Cinayət Məcəlləsinin 206.3.2 maddəsi ilə (qabaqcadan əlbir olan bir qrup şəxslə ölkəyə xarici valyutada qaçaq yolu ilə pul keçirtmə) ilə həbs olunub. Daha sonra AbzasMedianın redaktoru Sevinc Vaqifqızı eyni maddə ilə ittiham olunaraq saxlanılıb.

 

Bundan sonra noyabrın 21-də Bakının Xətai Rayon Məhkəməsində AbzasMedia-nın redaktoru Sevinc Vaqıfqızı haqqında isə 3 ay 29 gün, medianın təsisçisi Ülvi Həsənliyə isə 4 ay müddətinə həbs qətimkan tədbiri seçilib.

 

Noyabrın 24-ü "Abzas Media”-nın direktor müavini Məhəmməd Kekalov eyni maddə ilə saxlanılaraq barəsində 3 ay 27 gün müddətinə həbs edilib.

 

Dekabrın 1-də isə "Abzas Media"nın əməkdaşı Nərgiz Abssalamova ilə bağlı 3 aylıq həbs qərarı verilib.

 

2024-cü il yanvarın 15-də "Abzas Media” işi üzrə saxlanılan jurnalist Elnarə Qasımova da eyni maddə ilə ittiham olunaraq 2 ay 17 gün müddətinə həbs edilib. 

 

Aygün Mirakif