Bakıdan Ağstafaya gedən qatarın hərəkəti bərpa olunub - Yenilənib
20.02.2024 14:45
Bakıdan Ağstafaya gedən sürət qatarı Hacıqabul istiqamətində elektrik naqillərinin qırılması səbəbindən hərəkətini dayandırıb. Bu barədə anews.az-a qatarda olan sərnişinlər məlumat verib.
Sərnişinlərin bildirdiyinə görə, naqillər qırılaraq vaqonların üzərinə düşüb. Qatarın 20 dəqiqədir hərəkətsiz olduğu deyilir.
Məsələ ilə bağlı Azərbaycan Dəmir Yollarına sorğu ünvanlamışıq.
10:08
Azərbaycan Dəmir Yollarından qatarda texniki nasasızlıq yarandığı təsdiq edilib.
"Bu gün səhər saat 09:45 radələrində Bakı-Ağstafa istiqamətində hərəkət edən 706 saylı qatar kontakt sistemində yaranmış texniki nasazlığa görə Ələt-Atbulaq sahəsində dayanıb. Hazırda texniki problemin aradan qaldırılması istiqamətində zəruri işlər görülür. Sərnişinlərin mənzilbaşına təhlükəsiz çatdırılması üçün əlavə qatar təyin edilib", - məlumatda deyilir.
11:14
Azərbaycan Dəmir Yollarından bildirilib ki, qatarların hərəkəti bərpa olunub və sərnişinlərin digər qatara mindirilməsi təmin olunub.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
