Qarabağ Universitetində iyunun sonuna kimi infrastukturla bağlı işlər yekunlaşacaq- Nazir

Qarabağ Universitetində son tamamlama işləri gedir, iyunun sonuna kimi bütün infrastukturla bağlı işlər yekunlaşacaq. Bunu elm və təhsil naziri Emin Əmruılayev deyib.

"Universitetin qəbul planı təsdiqlənib. Son tamamlama işləri gedir.İyunun sonuna kimi bütün işlər yekunlaşacaq. Universitetdə 1200 tələbənin təhsil alması planlaşdırılır. Yüksək bal toplayan tələbələrə təqaüd verilməsi məsələsi üzərində çalışırıq",- Əmrullayev mayın 13-də jurnalistlərin suallarını cavablayarkən deyib.
Nazir vurğulayıb ki, Qarabağ Universitetində müəllimlərin işə qəbulu prosesi də yekunlaşıb.Yaxın zamanlarda bununla bağlı nəticələr açıqlanacaq. 

Fevralın 15-də Prezidentin ehtiyyat fonundan Qarabağ Universitetinə 10 milyon manat vəsait ayrılıb. 

Qarabağ universiteti Xankəndində 1969 -ci il təhsis edilib. Prezidentin fərmanı ilə 2023-cü ilin noyabrın 28-də yenidən yaradılması qərarı verilib.

Noyabrın 30-da Elm və Təhsil naziri Emin Əmrullayev jurnalistlər üçün keçirilən brifinqdə bildirib ki, Xankəndində yerləşən Qarabağ universiteti 2024-cü ilin sentyabrında fəaliyyətə başlayacaq.
 
İlkin mərhələdə universitetdə  800-1000 tələbə təhsil alacaq.
 
İlk illərdə Qarabağ Universitetində tələbələr üçün güzəştlər edilməsi nəzərdə tutulur. 
 
Gülnar Nazimqızı 

www.anews.az