Bakıda Fəvvarələr meydanında ofisiantlar bıçaqlanıb

Bakının Səbail rayonunda dava zamanı iki nəfər bıçaqlanaraq ağır xəsarət alıb.

APA xəbər verir ki, hadisə Nizami küçəsində yerləşən meydanda qeydə alınıb.

Belə ki, 2003-cü il təvəllüdlü Qurbanlı Oktay Şahin oğlu və onun iş yoldaşı 2002-ci il təvəllüdlü Cümiyev Turqut Tofiq oğlu dava zamanı bıçaqlanıb.

Hadisə onlar sözügedən ərazidə yerləşən restorandan çıxıb evə gedərkən baş verib. Hər iki şəxs Kliniki Tibbi Mərkəzə yerləşdirilib.

Xəsarət alan şəxslərin vəziyyəti ağır kimi qiymətləndirilir.

Yaralılar restoranda ofsiant işləyir.