Ötən tədris ilində Bakı məktəblərində 12 nəfər direktor vəzifəsinə təyin olunub

2023-2024-cü tədris ili ərzində BŞTİ-nin tabeliyində olan bir sıra ümumi təhsil müəssisələrinə 12 nəfər direktor vəzifəsinə təyin olunub, 2 direktorun iş yeri dəyişdirilib.  Bu barədə  Bakı Şəhəri üzrə Təhsil İdarəsindən məlumat verilib.

 

 

Ötən tədris ilində Bakıda məktəbəqədər təhsil müəssisələrinə müsabiqələrin müsahibə mərhələlərində uğur qazanmış 14 nəfər müdir, 128 nəfər isə tərbiyəçi müəllim vəzifəsinə işə qəbul hüququ qazanıb.

2023-2024-cü tədris ili üçün müəllimlərin işə qəbulu və yerdəyişməsi müsabiqəsinə BŞTİ tərəfindən 3 024 vakansiya təqdim olunub. Müsabiqələr nəticəsində tədris ili ərzində 2 769 nəfər işə qəbul olunub.

Bunlardan 1 227 nəfər müddətsiz müqavilə ilə işə qəbul üzrə elektron yerləşdirmə prosesi nəticəsində, 1 245 nəfər müddətli müqavilə ilə işə qəbul üzrə elektron yerləşdirmə prosesi nəticəsində, 297 nəfər isə müddətsiz müqavilə ilə işləyən müəllimlərin iş yerinin dəyişməsi prosesi nəticəsində işə qəbul olunub.

Həmçinin tədris ili ərzində ümumi təhsil müəssisələrində işə qəbul müsabiqəsi nəticəsində tutulmayan yerlər üzrə dərs saatlarının tədris edilməsi üçün digər məktəblərdən əvəzçilik qaydasında 494 ixtisaslı kadr dəvət edilib.

 

2022-ci ildə 32 olan özəl məktəblərin sayı 2023-cü ildə 34-ə yüksəlib.
 
Özəl məktəblərlərin sayı artsa da dövlət mülkiyyətində olan məktəblərin sayı azalıb. 2022-ci ildə 4 399 ədəd dövlət məktəbi olduğu halda, bu say 2023-cü ildə 4 388-ə düşüb. Bir il ərzində dövlət mülkiyyətində olan məktəblərin sayı 11 ədəd azalıb.
 
Özəl məktəblərin sayının artmasına şagird sayının artması səbəb olub. İlbəil özəl məktəblərdə təhsil alan şagirdlərin sayı artır. Bu məktəblərdə 2021-ci ildə 16,9 min şagird oxuduğu halda, 2022-ci ildə 20,1 min, 2023-cü ildə isə 23,5 min şagird oxuyub.

Aytac Zeynalova