Təhsilin İnkişafı Fondu 200 -dək qızın təhsilinə dəstək verib

Təhsilin İnkişaf Fondu gənc qızların təhsilinə dəstək layihəsi çərçivəsində 200-ə yaxın qıza yardım edib. Bunu fondun İdarə Heyətinin sədri Elnur Nəsibov bildirib. 


"Hənifə Məlikova -Zərdabi " adına təqaüd proqramı çərçivəsində ali məktəblərə qəbul imtahanlarında yükdək bal toplayan 25 təqaüdçünün sırasına daha sonra 55 nəfər qız əlavə olunub. Ümumilikdə 80 tələbə qız təhsil müddəti ərzində aylıq 200 manat təqaüdlə təmin olunublar”, - Nəsibov bildirib. 


Onun sözlərinə görə, bu layihə Ailə, Qadın və Uşaq Problemləri Dövlət Komitəsi ilə birgə reallaşdırılıb. 


Təhsil İnkişaf Fondu 2022-ci ilin martında yaradılıb. Fondun əsas vəzifəsi təhsilin inkişafı ilə bağlı dövlət siyasətinin formalaşdırılmasına kömək edən proqram və layihələri maliyyələşdirməkdir. 


Fonda hər il 8 milyon manat vəsait daxil olur. 


N.Təbrizli

www.anews.az