Ermənistanda reproduktiv proqramlar dövlət hesabına icra ediləcək

"Azərbaycanda Reproduktiv sağlamlıq haqqında" qanun hələlik qəbul olunmur. 

 

2024-cü ilin yanvarında Milli Məclisin Səhiyyə Komitəsinin sədri Əhliman Əmiraslanov bildirib ki, Azərbaycanda "Reproduktiv sağlamlıq haqqında” qanun qəbul oluna bilər. 

 

Komitə sədri vurğulayıb ki, qanun üzərində işlər gedir və yaz sessiyasında Milli Məclisdə müzakirə olunacaq qanunlardan olsa da, hələlik bu barədə heç bir məlumat yoxdur. 

 

Deputat bildirib ki, vətəndaşlar bu qanunun qəbul olunmasını çoxdan gözləyir. 
 
Bundan əvvəl deputat Siyavuş Novruzov Milli Məclisin plenar iclasında çıxışında bildirib ki, Azərbaycanda "Reproduktiv sağlamlıq haqqında” qanunun qəbuledilməsi yolverilməzdir.
 
Deputat vurğulayıb ki, bu qanunun qəbul olunmasına 5 il müddətində imkan verməyib. Novruzov bunu milli mentaliletə uyğun olmaması ilə əlaqələndirib. 
 
Deputat Rəşad Mahmudov isə söyləyib ki,  "Reproduktiv sağlamlıq haqqında” qanun qəbul olunmadığı üçün bəzi şəxslər övlad sahibi olmaq imkanlarından məhrum olurlar. 
 
Gülnar Nazimqızı