Xarici ölkələrə gedən diplomatların ailə üzvləri həmin ölkə haqda məlumatı olmalıdır

Azərbaycanlı diplomatların xaricə gedən ailə üzvləri də getdikləri ölkənin mədəniyyəti, tarixi və dili barəsində məlumatlarının olması məqsədə uyğun olar. Bunu Milli Məclisin deputatı Aydın Mirzəzadə deyib. 

 

"Azərbaycan öz diplomatiyasını çox uğurlu qurub. Vaxt var idi biz xarici ölkələrdə diplomatiya qurulmasını sadəcə arzu edirdik. Bu gün isə 87 ölkədə diplomatlarımız var. Ən yaxşı nümunə kimi parlamentdə bir çox diplomatların deputat kimi seçilməsini göstərmək olar. Eyni zamanda təklif edirəm ki, xarici ölkələrə gedən diplomatların ailə üzvləri həmin ölkələrin mədəniyyətini,tarixini və dilini az da olsa öyrənsin", - deputat dekabrın 13-də "Diplomatik xidmət haqqında” Azərbaycan Respublikası qanununun layihəsinə münasibət bildirərkən deyib. 

 

Deputat həmçinin təklif edib ki, ölkəyə qayıdan diplomatlar ölkə daxilində baş verən yenilikləri görmək üçün vaxtaşırı hərbi hissələrdə, Qarabağda, universitetlərdə, bir sözlə ölkə daxilində gəzib yenilikləri görsünlər. 

 

Gülnar Nazimqızı