Azərbaycanda büdcə təşkilatlarında çalışan işçilərin sayı digər ölkələrdən çox aşağıdır - Deputat

Azərbaycanda hər min nəfərə düşən büdcə təşkilatlarında çalışan işçilərin sayı digər ölkələrdən çox aşağıdır. Bunu Milli Məclisin deputatı Ziyad Səmədzadə deyib. 

"Son zamanlar bir çox büdcə təşkilatlarında ixtisarların sayı artmağa meyl edir. Hər bir ixtisar nəzarətə götürülməlidir. Bu məsələdə nəzarət güclənməlidir. Hər bir ixtisarın arxasında ailə və   problemləri dayanır. Yeni problemlər yaranır. Biz iş yerinin dəyəri məsələsinə audit hesabatlarında fikir verməliyik. Elə sahələr var ki, bir iş yerinin yaradılması üçün Avropa ölkələrindəkindən 5-6 dəfə çox vəsait tələb olunur. Milyonlar xərc çəkilir amma yaradılan iş yerlərinin sayı aşağıdır.  Azərbaycanda hər min nəfərə düşən büdcə təşkilatlarında çalışan işçilərin sayı hamıdan aşağıdır. Biz isə hər yerdə ixtisarlardan danışırıq. Rayonlarda 6-7 bələdiyyə birləşib. Bir nəfər onu idarə edir. Nə üçün Belarusiyada və Rusiyanın özündə hər min nəfərə düşən büdcə təşkilatlarında çalışan işçilərin sayı bizdən xeyli artıqdır. Narahatçılıq doğuran məsələdir", - deputat bildirib. 

Deputat ali təhsil məsələsinə də toxunaraq bildirib ki, Azərbaycanda hər min nəfərə düşən ali təhsilli ixtisaslılar azalır, orta təhsilli insanların sayı artmağa meyl edir. O vurğulayıb ki, Azərbaycanda heçvaxt belə hal baş verməyib. 

Gülnar Nazimqızı