Vətəndaşların hesabından növbəti dəfə 20 min manatdan çox vəsait oğurlanıb

Son bir gündə vətəndaşların kart hesabından 20 min manatdan çox vəsait oğurlanıb. Bu barədə Daxili İşlər Nazirliyindən bildirilib. 

"Mayın 21-də ayrı-ayrı vətəndaşların müxtəlif kiber üsulla 6300, 4700, 2766, 2167, 1056, 1000, 624, 600, 450, 387, 300, 170, 100 manat pul vəsaitləri bank kartlarından oğurlanıb",- məlumatda deyilir. 

DİN bir daha vətəndaşları şübhəli zənglərə cavab verməməyi və kart hesablarındakı məxfiliyi bölüşməməyi tövsüyə edir. 

Daxili İşlər Nazirliyinin son statistikasına görə, bu ilin ilk dörd ayı ərzində vətəndaşların kartından 6 milyon manatdan çox pul oğurlanıb. 

2024-cü ildə kart fırıldaqçılığı nəticəsində vətəndaşlara 22 milyon manatdan çox zərər dəyib.

Gülnar