Universitetlərdə rus dilində tədrisin dayandırılması xəbəri saxtadır- FOTO

Növbəti tədris ilindən etibarən universitetlərdə rus dilində tədrisin dayandırılacağı xəbərləri həqiqiəti əks etdirmir. Bu barədə anews.az-a etibarlı mənbələrdən bildirilib. 

Bu gün yerli mətbuatda həmçinin sosial şəbəkədə  avqustun 20-dən rusdilində təhsil alan Azərbaycan universitetlərində tədrisin  Azərbaycan dilində keçirilməsi ilə bağlı məlumat yayılıb. 

Məlumatda rus dilinin ləğv olunması şərti qoyulub. 

Anews.az rus dilində tədris keçirilən bir neçə universitetə müraciət edib. Cavab olaraq universitetlərdən bildirilib ki, bu məlumat həqiqəti əks etdirmir. 

Sosial şəbəkələrdə Elm və Təhsil Nazirliyi adından rəsmi bildiriliş yayılıb. Sözügedən bildiriş fake-dir. Sənəddə qeyd olunan rəsmi ünvanlar və əlaqə məlumatları nazirliyə aid deyil. 

Aytac Zeynalova