Normadan artıq qida sifariş edən bağça direktoru işdən qovulub

 Bakı Şəhəri üzrə Təhsil İdarəsi 202 nömrəli körpələr evi-uşaq bağçasında apardığı monitorinq nəticəsində ciddi nöqsanlar aşkar edib. Bu barədə qurumdan bildirilib. 

Qeydiyyatsız uşaqların qəbul edilməsi, normadan artıq qida sifarişi, maliyyə və əmək qanunvericiliyinin pozulması faktları qeydə alınıb.

İdarədən bildirilib ki, nəticələrə əsasən bağçanın müdiri Simuzər Paşayeva ilə əmək müqaviləsi 23 iyul 2025-ci il tarixində ləğv edilib.

Müqavilənin xitamı Əmək Məcəlləsinin 70-ci maddəsinin “ç” bəndinə uyğun aparılıb.

Təhsil İdarəsi bildirib ki, monitorinqlər davam edir və aşkar edilən pozuntularla bağlı qanunvericiliyə uyğun tədbirlər görüləcək.

Gülnar